1) Қайран күндер кешегі, 
Сайран күндер кешегі. 
Көрген түстей көңілден, 
Қалай ша өшеді? 
Бақытыма балаған, 
Жырға лайық санаған. 
Жан серігім жалғанда, 
Сен едің қалаған. 

[Қайырмасы] 
Қия алмадым, қимадым, 
Қинадың-ау, қинадың. 
Гүл орнына қайтейін, 
Саған мен мұң сыйладым. 
Қарай бердің қиыла-ай, 
Қоштасудың қиыны-ай! 

2) Саған ғана жан сырын, 
Айтушы едім бал-шырын. 
Бірге кешкен күндер-ай, 
Мөп-мөлдір тамшы-мұң. 
Шығар ма екен бәрі естен, 
Көк түн мынау жан ескен. 
Жылап жатыр жүрегім, 
Нәп-нәзік нәрестем. 

[Қайырмасы] 
Қия алмадым, қимадым, 
Қинадың-ау, қинадың. 
Гүл орнына қайтейін, 
Саған мен мұң сыйладым. 
Қарай бердің қиыла-ай, 
Қоштасудың қиыны-ай!

3) Ұя салған таңдайға, 
Біз айтатын ән қайда? 
Амал бар ма тағдырға? 
Жазылған маңдайға. 
Ақ тілеулі арманға, 
Сенен асқан жан бар ма? 
Жаралайды жанымды, 
Көзден жас тамғанда.

[Қайырмасы] 
Қия алмадым, қимадым, 
Қинадың-ау, қинадың. 
Гүл орнына қайтейін, 
Саған мен мұң сыйладым. 
Қарай бердің қиыла-ай, 
Қоштасудың қиыны-ай!

Қарай бердім... Қиыла-ай...
Қоштасудың... Қиыны-ай... Қиыны-ай... Қиыны-ай...